ادخل اقرى كل حاجة عن تامر عاشور ...

من طرف TAMER ASHOUR الإثنين يوليو 14, 2008 8:41 am

*ما هى دراستك ؟
بدرس فى الـ advanced Academy فى سنة ثانية .. وكنت بدرس فى تربية موسيقية واترفد

*ايه اخبار البومك ؟
البومى بجهز فيه الايام دي وهينزل ان شاء الله فى نوفمبر

*ممكن اعرف بتتعامل فيها مع مين ؟
مع ملحنين غيري... خالد عز ..محمد رحيم .. مش انا لوحدى بس اللى لحنت كل الالبوم

*ومع مين مع الشعراء ؟
ايمن بهجت قمر .. بهاء الدنيا محمد .. نادر عبدالله

*انت فى الاصل ملحن .. بعد كدا اتجهت للغنى .. عاوزين نعرف خد القرار دا ازاى ؟
اولا انا مش خد القرار .. الناس هى اللى خدت القرار .. وعاوز اتكلم عن الاغانى اللى نزلت .. دى ديمو بطريقة وحشة مسجلها فى البيت .. واتسربت عن طريق النت والناس سمعتها والناس حبتها والناس هى اللى قررت انى اغانى

*يعنى الاغانى اللى نزلت دى مش اغانيك وملهاش علاقة بالالبوم بتاعك ؟
لا الاغانى دي انا اللى ملحنها لناس .. ونزولها دا مش صح يعنى مثلا اغنية محمد فؤاد فيها كلام حريمى .. لو انا عايز انزل البوم كنت هخليها رجالى وانزلها بس الناس حبتها .. ودا اللى خلانى اعمل كل يوم سنجل والاغنية اللى نزلت على النت دي مش ظريفة

*يعنى الاغانى اللى نزلت على النت دي مش بتاعتك ؟
خالص الالبوم فى اغانى جديدة غير اللى نزلت دي كل يوم هى اللى نزلت سينجل .. وان شاء الله كل اللى جاى جديد

* مفيش اى حاجة تقدر تحكم موضوع تسرب الاغانى فى النت دا ؟
لا مفيش .. لا فى مصر ولابرا حولت اروح اسأل فى اللاينات .. بسأل مين اللى نزل محدش عارف ومين اللى اداكم الالبوم قالوا معرفش وموصلتش لحاجة خالص .. ممكن من البيت اى حد ينزل اى حاجة فى اى حتة

*انت قررت انك تدخل مجال الغنا ... انت شايف نفسك وسط الساحة ؟
والله القرار مش قرارى بس شايف الناس متقبلة الصوت ومتقبلة الخامة ومتقبلة نوعية الاغانى فليــه لا ؟

*انت نزلت اغنية كل يوم .. سنجل .. واعد توزيعها ونزلتها تانى ؟
اه اعد توزيعها عشان كانت ديمو ..وكنت مغنى وصوتى كان تعبان وكانت فى البيت والناس قالت ان صوتى المنبوح دا نبرة .. بس دا مش صوتى خالص دا صوت عفريت بــس وغنيتها كويس ونزلت فى الاف ام

*انت نزلت اغنية كل يوم .. انت شايف ان دى اغنية تقيس بيها نفسك ؟
لا انا مقستهاش كدا .. انا شوفت الناس مشغلة كل يوم القديمة ولقيت فى الاف ام ناس بتطلب كل يوم وانا لسا منزلتهاش فوزعتها ونزلتها

*يعنى دا رأى الجماهير ؟
اه دا رأى الجماهير يعنى فى اغانى كتير تانية .. مفكرتش اعملها ليه .. مثلا في اغانى لمحمد فؤاد ..

* فى تعاون جديد بينك وبين عمرو دياب ؟
يــاريت .. بس هو دلوقتى خلص البومه .. لو فى تعامل هيكون فى البومه الجديد

*يعنى فى تعامل بينك وبينه ؟
اه فى تعامل

هنتكلم عن دخولك المجال الفنـي ومين ساعدك فيــه ؟
سعيد امام ..شركة روتانا .. ساعدنى جامد كنت بديله الالحان .. تقريبا هو اول واحد كان بياخد منى الالحان .. بيسمعها ويحبها .. وكان بيوديها للناس وكانت بتحبها .

هل ليك سايت رسمى ؟
بجهز فيه اليومين دول ( اومال احنا بنعمل ايـه .. قصده علينا احنا )

اتكلمنا عن احدث الاعمال ؟؟
الالبوم طبعا وبجهز للفنان محمد فؤاد طبعا والفنان فضل شاكر والفنان بهاء سلطان ان شاء الله فى البوماتهم اللى جاية والفنان راغب علامة وان شاء الله ممكن نعمل اغانى سنجل للفنان خالد عجاج
ورجا (اكس فاكتور المركز الاول .. ومش فاكر دلوقتى بالظبط

هل تلحينك للفنانين دول بيشغلك عن البومك ؟
لا خالص .. فى اغانى انا بحب اقعد الحنها .. مبعرفش اغنيها بأى حال من الاحوال فأنا بحاول اديها للمطرب يغنيها احسن منـي وبتكون لايقة عليه

انت ساكن فين ؟
فى الهرم

نوع عربيتك ايــه ؟
سيات ابيزا ..

انت عندك كام سنة ؟
22 سنة ونص مواليد 2/1/1984

تحب تتعامل مع مين من المطربات ؟
احب اتعامل مع الفنانة سميرة سعيد

انت شايف انك تقدر تقدملها اغانى تغير من نوعية اغانيها .؟
بص انا عاوز اعملها اغنية ترفعنى معاها ..

ماهو برجك ؟
الجدى

لونك المفضل واكلتك المفضلة ؟
البرتقالى ... الكشرى

ماهى هوايتك المفضة ؟
كرة القدم